2003 წლის 30 აპრილს, ევროპის ჩემპიონატის შესარჩევი ეტაპის მე-10 ქვეჯგუფში, თბილისის "ლოკომოტივის" სტადიონზე ჩატარდა მატჩი საქართველოსა და რუსეთის ეროვნულ ნაკრებებს შორის, სადაც მალხაზ ასათიანის ერთადერთი გოლის წყალობით ქართველებმა რუსები დაამარცხეს. მიუხედავად იმისა, რომ საქართველოს ნაკრებისთვის აღნიშნული გამარჯვება სატურნირო მდგომარეობასაც კი დიდად არ ცვლიდა, ქართველებმა რუსეთის დამარცხება დიდი ზეიმით აღნიშნეს, უამრავი ადამიანი გამოვიდა ქუჩაში და "დათვების" დამარცხება ერთად იზეიმა.
