უინი ატონიო 6 ერის წლევანდელ გათამაშებაში ვეღარ იასპარეზებს
საფრანგეთის ნაკრების ბურჯი უინი ატონიო სამმატჩიანი დისკვალიფიკაციით დაისაჯა. ეს ყველაფერი იმას ნიშნავს, რომ მორკინალი 6 ერის წლევანდელ გათამაშებაში მონაწილეობას ვეღარ მიიღებს.
აღნიშნული სასჯელი ფრანგმა მორაგბემ ირლანდიასთან შესრულებული ბოჭვის გამო დაიმსახურა. ატონიომ რობ ჰერინგი სახიფათოდ შებოჭა და მსაჯისგან ყვითელი ბარათიც დაიმსახურა.
Hearing that there will be a citing from the Ireland vs. France game.
— Murray Kinsella (@Murray_Kinsella) February 13, 2023
No shock.
Official word expected to come later today. pic.twitter.com/b818AZh3je
უინის სასჯელი მხოლოდ ამით არ შემოისაზღვრა. დისციპლინარულმა კომიტეტმა მისი ქმედება განიხილა და გადაწყვიტა, რომ მორაგბეს სამმატჩიანი დისკვალიფიკაცია შეეფარდოს.
"ვინაიდან მოთამაშემ საკუთარი დანაშაული აღიარა და მოწინააღმდეგეს უთანაგრძნო კიდეც. ჩვენ გავითვალისწინეთ ეს ყველაფერი და ექვსკვირიანი სასჯელი სამ კვირამდე შევამცირეთ. მოთამაშე გამოტოვებს შემდეგ სამ შეხვედრას: 26 თებერვალი 2023 - საფრანგეთი - შოტლანდია, 11 მარტი 2023 - ინგლისი - საფრანგეთი, 18 მარტი 2023 - საფრანგეთი - უელსი." - წერია დისციპლინარული კომიტეტის განცხადებაში.
Uini Atonio will miss France’s must win match against Scotland after his yellow card was upgraded to a red.
— BallCarrier (@BallCarrier_) February 15, 2023
Right decision? pic.twitter.com/6BcoIlaeuP
სხვა სტატიები
