#ტოპ11 – ოთია გიორგაძის 2019 წელი
4 წლის წინ
რაგბი
3 წთ
ოთია გიორგაძე
დაბადების თარიღი: 1996 წლის 2 მარტი (23 წლის)
სიმაღლე: 1.94მ
წონა: 110კგ
გასულ სეზონში, საფრანგეთის პრო დ 2-ში ჩატარებული არაერთი მაღალი დონის მატჩის შედეგად, ოთია გიორგაძემ "ბრივის" წარმატებაში ლომის წვლილი დაიდო. პრო დ 2-ის გასულ სეზონში, გიორგაძემ არაერთი გამორჩეული ლელო დადო, მათ შორის ისეთ განსაკუთრებულ დაპირისპირებებში, როგორიცაა პლეი-ოფის ნახევარფინალი. "ბრივის" ელიტაში აღზევებაში, ქართულ ლეგიონთან ერთად ოთია გიორგაძემ მნიშვნელოვანი წვლილი შეიტანა და თავისუფლად შეიძლება ითქვას, რომ პრო დ 2-ში წარმატებით დაწყებულ საქმეს - ოთია ტოპ 14-შიც იდეალურად აგრძელებს. "ბრივის" ქართველმა ლეგიონერმა უკვე შეძლო არაერთ დაპირისპირებაში თავის გამოჩენა. გიორგაძის კარგი თამაში არ გამოჰპარვიათ ტოპ 14-ის ორგანიზატორებს და იგი მე-9 ტურის სიმბოლურ გუნდში შეიყვანეს. ტოპ 14-ის პარალელურად, ოთიამ თავის გამოჩენა "ჩელენჯ ქაფზეც" შეძლო - შეიძლება ითქვას, რომ "ჩელენჯ ქაფის" პირველივე ტურში ქართველების ბენეფისი შედგა. "სტად ფრანსეს" დამარცხებაში ვასილ ლობჟანიძემ, თედო აბჟანდაძემ, ოთია გიორგაძემ, ვანო კარკაძემ, კარლენ ასიეშვილმა და ლუკა ჯაფარიძემ მიიღეს მონაწილეობა. აღნიშნულ დაპირისპირებაში ვასილ ლობჟანიძემ და ოთია გიორგაძემ ლელოები დაამიწეს - თედო აბჟანდაძემ კი გარდასახვებითა და საჯარიმო დარტყმებით შეძლო ქულების დაგროვება.
სხვა სტატიები
