შემოდგომის სერიების რეიტინგი გამოქვეყნდა | ბორჯღალოსნები რეიტინგში დაქვეითდნენ

შემოდგომის ერთა სერიების მეორე კვირის ყველა შეხვედრის შედეგი ცნობილია და მსოფლიო რაგბის ოფიციალურმა გვერდმა ძალთა თანაფარდობის შესახებ, რეიტინგი გამოაქვეყნა. საინტერესოა, რომ “ბორჯღალოსნები” სამოასთან დამარცხების გამო, მსოფლიო რეიტინგში მე-13 პოზიციიდან მე-14 პოზიციაზე დაქვეითდნენ.

საუკეთესო ხუთეულში ცვლილება არ არის. რეიტინგის სათავეში კვლავ ირლანდიაა, რომელსაც საფრანგეთი, ახალი ზელანდია, სამხრეთ აფრიკა და ინგლისი მოსდევენ.

6-10 პოზიციები ასე განაწილდა: არგენტინა, უელსი, ავსტრალია, შოტლანდია და იაპონია.

შეგახსენებთ, რომ მომავალი მატჩი, სტუმრად უელსელების წინააღმდეგ გველის. შეხვედრა 19 ნოემბერს, თბილისის დროით 17:00 საათზე გაიმართება.