"საქართველოსთან თამაში ჩვენთვის ფინალის ტოლფასია" - ჯოშუა ტუისოვა

2023 წლის რაგბის მსოფლიო თასის ჯგუფური ეტაპის პრინციპულ მატჩში, ფიჯისა და საქართველოს დაპირისპირება გაიმართება. 30 სექტემბერს, ბორდოში, მფრინავი ფიჯელები ბორჯღალოსნებს შეერკინებიან და ბონუსით გამარჯვების შემთხვევაში, 1/4-ფინალის საგზურს გაინაღდებენ.

მოახლოებული მატჩის წინ, ფიჯის მორაგბეთა ნაკრების ერთ-ერთმა ლიდერმა და სუპერვარსკვლავმა - ჯოშუა ტუისოვამ, საინტერესო კომენტარი გააკეთა. ტუისოვა აღნიშნავს, რომ საქართველოსთან მატჩი, ფიჯისთვის ფინალის ტოლფასია.