ხვალ, 17 ნოემბერს, საქართველოს მორაგბეთა ნაკრები - ,,ბორჯღალოსნები", ნოემბრის მეორე ტესტ მატჩს სამოას ნაკრებთან გამართავს. მატჩი 18:00 საათზე ავჭალის სარაგბო სტადიონზე დაიწყება.
როგორც თითქმის ყველა ოკეანეთის ქვეყნებს აქვთ მატჩისწინა რიტუალი, არც სამოას ნაკრები არ არის გამონაკლისი.
მანუ სამოა (გულადი სამოა) თამაშის წინ ტრადიციულ საბრძოლო ცეკვას ასრულებს, რომელსაც სივა ტაუ ეწოდება. ესაა ტრადიცია, ერთგვარი რიტუალი, რომელიც მორაგბეებს საბრძოლოდ განაწყობს და მეტოქისადმი პატივისცემას გამოხატავს.
საქართველოში სივა ტაუ ცოცხლად 2013 და 2016 წლებში ვიხილეთ და ხვალ ამის პატივი კიდევ ერთხელ გვექნება.
