რიჩარდ კოკერილი: "აკაკი ტაბუცაძე ჯონი მეის მაგონებს"

სიტყვა "ნორმალური" არის ის სიტყვა, რომელიც ყველაზე ნაკლებდ გამოიყენება ინგლისელი ყოფილი მორაგბის, ჯონი მეის აღსაწერად. თუმცა, საქართველოს მთავარი მწვრთნელის, რიჩარდ კოკერილის თქმით, მეის თავისუფალი სული ბორჯღალოსნების გარემარბის, აკაკი ტაბუცაძეშიც ცხოვრობს. გარემარბების საუკეთესო ტრადიციების გაგრძელებით, ტაბუცაძეს არ ადარდებს ხალხისგან გამორჩეულობა და კოკერილი მასსა და ჯონი მეის შორის მსგავსებას ხედავს.

ტაბუცაძემ, ორი კვირის წინ, რუმინეთთან გამართულ ნახევარფინალში სამი ლელო გაიტანა, ორი შარშან ფინალში პორტუგალიასთან, 38-11 მოგებისას, ერთი კი ასევე პორტუგალიასთან 2023 წლის რაგბის მსოფლიო ჩემპიონატზე, გუნდებს შორის ფრედ დასრულებულ შეხვედრაში (18-18).

აკაკი ტაბუცაძეს ნაკრებში 35 ლელო აქვს დადებული და ამისთვის მას 39 შეხვედრა დაჭირდა. მისი ლელოების იმედი ახლაც გვაქვს, როცა 2024 წლის რაგბი ევროპის ფინალში, საქართველოს ნაკრები პორტუგალიას დაუპირისპირდება. მატჩი კვირას, პარიზში, თბილისის დროით 00:00 საათზე დაიწყება.