ჯორდი ბარეტმა კონტრაქტი ლენსტერთან გააფორმა
ახალი ზელანდიის ეროვნული ნაკრების ვარსკვლავი, ჯორდი ბარეტი ,,ლენსტერში'' ითამაშებს.
27 წლის მორაგბე, რომელმაც ახალ გუნდთან მოკლევადიანი ხელშეკრულება გააფორმა, ,,ლენსტერს'' 2024 წლის დეკემბერში შეუერთდება და ირლანდიაში 7 თვეს გაატარებს.
,,ეს შესანიშნავი ადგილი იქნება ჩემთვის, რათა, როგორც მორაგბე, განსხვავებულ გარემოში განვვითარდე.
ირლანდია ბარეტების ოჯახისთვის განსაკუთრებული ქვეყანაა.'' - განაცხადა ჯორდიმ ,,ლენსტერის'' ვებგვერდთან ინტერვიუში.
ბარეტმა ახალი ზელანდიის რაგბის კავშირთან კონტრაქტი უკვე გაახანგრძლივა, რაც მას უფლებას აძლევს, რომ საკლუბო რაგბი გარკვეული პერიოდით საზღვარგარეთ ითამაშოს.
𝐋𝐚𝐝𝐢𝐞𝐬 𝐚𝐧𝐝 𝐠𝐞𝐧𝐭𝐥𝐞𝐦𝐞𝐧, 𝐩𝐥𝐞𝐚𝐬𝐞 𝐰𝐞𝐥𝐜𝐨𝐦𝐞 𝐉𝐨𝐫𝐝𝐢𝐞 𝐁𝐚𝐫𝐫𝐞𝐭𝐭 🤩🔵
— Leinster Rugby (@leinsterrugby) April 15, 2024
Leinster Rugby can confirm the signing of Jordie Barrett, on a short-term deal next season.
🗞️ | Read the full story: https://t.co/k1PxEpmXLs#FromTheGroundUp pic.twitter.com/5wnbDmufQO
