ისტორიული გამარჯვება - უმცროსმა ბორჯღალოსნებმა ინგლისი დაამარცხეს
1 ივნისს “ავჭალის” სარაგბო სტადიონზე ქართული რაგბის ისტორია კიდევ ერთხელ დაიწერა. U20 საქართველოს მორაგბეთა ნაკრებმა ინგლისის წინააღმდეგ ისტორიული გამარჯვება (40:38) მოიპოვა და U20 მსოფლიო თასისთვის მოსამზადებელი მატჩები ამაღლებულ განწყობაზე დაასრულა.
სანახაობრივ შეხვედრაში საწყის წუთებზე უპირატესობას სტუმრები დაეუფლნენ და 0:14 დაწინაურდნენ, თუმცა, უმცროსმა ბორჯღალოსნებმა მატჩის სადავეები მალევე იგდეს ხელთ და საბოლოოდ მეტოქე 2-ქულიანი სხვაობით დაამარცხეს.
U20 საქართველოს მორაგბეთა ნაკრების გამარჯვებას ავტორიტეტული სარაგბო გამოცემა RUGBYPASS გამოეხმაურა, რომელმაც აღნიშნა, რომ საქართველომ შოკისმომგვრელი გამარჯვება მოიპოვა.
BREAKING: Huge age-grade upset in Tbilisi. #EnglandRugby #Georgia https://t.co/6r91utI6Va
— RugbyPass (@RugbyPass) June 1, 2023
შეგახსენებთ, უმცროსი ბორჯღალოსნებისა და ინგლისის პირველი დაპირისპირება 27 მაისს გაიმართა. სანახაობრივ შეხვედრაში უმცროსი ბორჯღალოსნები თითქმის მთელი მატჩის განმავლობაში დომინირებდნენ, თუმცა, უკანასკნელ 10 წუთში 2 ლელო გაუშვეს და საბოლოოდ 36:41 დამარცხდნენ.
სხვა სტატიები
