"საზონოვს წინადადებები სამი ქვეყნიდან აქვს" - იტალიური მედია ქართველ მცველზე საუბრობს

იტალიური მედია საქართველოს ნაკრების და ტორინოს ცენტრალური მცველის, საბა საზონოვის შესახებ საუბრობს და წერს, რომ უდიდესი ალბათობით, ქართველი ფეხბურთელი უახლოეს მომავალში გუნდს შეიცვლის.

საბა საზონოვი ტორინოში 2023 წლის ზაფხულში, ევროპის 21-წლამდელთა ჩემპიონატის შემდეგ გადაბარგდა და სათამაშო დრო ეტაპობრივად შეუმცირდა, ამ სეზონში კი ტურინულმა გუნდმა 24 წლის ქართველი ფეხბურთელი სერია A-ს განაცხადში არ შეიყვანა. 2025 წლის ზაფხულში ქართველი ფეხბურთელის ლა ლიგის წარმომადგენელ ხეტაფეში ტრანსფერი პრაქტიკულად გადაწყვეტილი გახლდათ, მაგრამ შეთანხმება ბიუროკრატიული პრობლემების გამო ჩაიშალა.