ოფიციალურად: სანდრო მამუკელაშვილმა სან ანტონიოსთან კონტრაქტი გაახანგრძლივა
სანდრო მამუკელაშვილისა და სან-ანტონიო სპურსის თანამშრომლობის გაგრძელების შესახებ აქამდეც ცნობილი იყო, თუმცა, კლუბმა ეს ყველაფერი მხოლოდ 27 ივლისს დაადასტურა. კლუბის წესების მიხედვით, კონტრაქტი ერთწლიანია, დანარჩენი დეტალები კლუბის პოლიტიკიდან გამომდინარე, არ ხმაურდება.
მამუმ სან-ანტონიოსთან პირველი კონტრაქტი მიმდინარე წლის 3 მარტს, სეზონის ბოლომდე გააფორმა, კლუბში 19 მატჩი ჩაატარა და სეზონი მშვენიერი მაჩვენებლებით დაასრულა, საშუალოდ მისი მონაგარი 23.3 წუთში 10.8 ქულას, 6.8 მოხსნას და 2.4 ასისტს შეადგენდა.
MAMUUUU 🗣 We have re-signed forward @Mamukelashvili5!
— San Antonio Spurs (@spurs) July 27, 2023
📝: https://t.co/jrsgkMbQmz pic.twitter.com/U71cSY10MH
სანდრო ამჟამად საქართველოს ეროვნულ ნაკრებთან ერთად ტრევიზოში იმყოფება, სადაც ჩვენი გუნდი მსოფლიო ჩემპიონატისთვის მოსამზადებელ ეტაპს გადის.