"ნიჭიერია და დავაკვირდებით" - ბაიერნის სპორტული დირექტორი თორნიკე კვარაცხელიაზე საუბრობს

მიუნხენის ბაიერნის სპორტული დირექტორი, კრისტოფ ფროინდი ადასტურებს, რომ ხვიჩა კვარაცხელიას ძმამ, თორნიკე კვარაცხელიამ "რეკორდმაისტერის" 17-წლამდელთა გუნდში სინჯები გაიარა.

დინამო თბილისის და საქართველოს ასაკობრივი ნაკრებების წევრი, 16 წლის თორნიკე კვარაცხელია მიუნხენელების ახალგაზრდულ (17-წლამდელთა) გუნდში სინჯებზე იმყოფება და გლობალ აკადემიის პირისპირ მატჩში (3:1) ითამაშა და გოლის გატანაც მოახერხა.