"კიტეიშვილი ჩემპიონატის საუკეთესო ფეხბურთელია" - ვეტერანი ავსტრიელი ქართველს აქებს

ვეტერანი ავსტრიელი ფეხბურთელი, შემდეგში კი მწვრთნელი, ანდრეას ჰერცოგი, რომელიც ახლა Sky Sports-ის ექსპერტად მუშაობს, საქართველოს ნაკრებისა და გრაცის შტურმის შემტევი ნახევარმცველის, ოთარ კიტეიშვილის შესახებ საუბრობს.

ოთარ კიტეიშვილმა ავსტრიის ბუნდესლიგის 23-ე ტურის მატჩში, ვენის აუსტრიასთან დუბლის შესრულება შეძლო, მისი და გიზი მამაგეიშვილის გუნდმა კი 5:2 იმარჯვა და გათამაშების ცხრილში გალიდერდა.

29 წლის ქართველ ფეხბურთელს ამ სეზონში ყველა ტურნირზე 16 გოლი და 3 საგოლე პასი აქვს, 12 გოლით კი ავსტრიის ჩემპიონატის საუკეთესო ბომბარდირია.