ილია თოფურიას მომავალი მეტოქე დაუმარცხებელი ამერიკელი იქნება
დიდი ალბათობით, 2022 წლის 5 ნოემბერს, UFC Vegas 64-ზე ილია თოფურიას მეტოქე ამერიკელი ბრაის მიტჩელი იქნება.
ამერიკელი მებრძოლი თავდაპირველად მოვსარ ევლოევს უნდა შეხვედროდა, თუმცა, ინგუში დაპირისპირებას ტრავმის გამო ჩაეხსნა. გავრცელებული ინფორმაციის თანახმად, მიტჩელის მეტოქე დაუმარცხებელი "ელ მატადორი" ილია თოფურია იქნება.
თოფურია ამერიკელს ჯერ კიდევ 3 ოქტომბერს იწვევდა.
@Topuriailia vs @ThugnastyMMA
— Ilia Topuria (@Topuriailia) October 3, 2022
I see it coming 😎💯🌹
ბოლო დროს სოციალურ ქსელში ორივე მებრძოლი საკმაოდ გააქტიურდა და ერთმანეთის მიმართ გამომწვევ პოსტებსაც ავრცელებენ.
@ThugnastyMMA pic.twitter.com/RfphQq6BKL
— Ilia Topuria (@Topuriailia) October 14, 2022
ბრაისმა მალევე უპასუხა ქართველს და თქვა, რომ ჩხუბზე თანახმა არის.
ჯერ ოფიციალურად არ არის დაზუსტებული, მაგრამ ილია თოფურიას პოსტი სოციალურ ქსელში გვაფიქრებინებს, რომ ბრძოლა უკვე შეთანხმებულია.
Finally! See you November 5 ❤️
— Ilia Topuria (@Topuriailia) October 16, 2022
ორივენი ამ დრომდე დაუმარცხებლები არიან და კარიერაში წინსვლას განაგრძობენ. ბრაისმა მისი ბოლო ბრძოლა სახელოვანი ედსონ ბარბოსას წინააღმდეგ ჩაატარა და გამარჯვებულიც გამოვიდა. რაც შეეხება ილიას, მან ბოლო ბრძოლა 19 მარტს, ჯაი ჰერბერტის წინააღმდეგ ჩაატარა და ნოკაუტით გაიმარჯვა.
ILIA TOPURIA OH MY GOD pic.twitter.com/dUNoHe4lkb
— Λ𝔫𝔱𝔬🗿🦭 (@ImAntoMMA) March 19, 2022
აღსანიშნავია, რომ მიტჩელი ჯიუ-ჯიცუს შავი ქამრის მფლობელია და კარიერაში ჩატარებული 15 ბრძოლიდან 9 დანებებით მოიგო. შეგახსენებთ, რომ ილიას პირველი შეხება სპორტთან ბერძნულ-რომაული ჭიდაობა იყო. ესპანეთში გადასვლის შემდეგ კი, თოფურიამ ჯიუ-ჯიცუს შესწავლა დაიწყო. აქედან გამომდინარე, ქართველისთვის ბრაის მიტჩელი უხერხული მეტოქე არ უნდა გამოდგეს.
სხვა სტატიები
