FC24-ის საუკეთესო ახალგაზრდებს შორის კვარაცხელია და მამარდაშვილი მოხვდნენ

პოპულარული საფეხბურთო თამაშის, FC24-ის საუკეთესო ახალგაზრდა ფეხბურთელებს შორის, ორი ქართველი ვარსკვლავი, ხვიჩა კვარაცხელია და გიორგი მამარდაშვილი მოხვდნენ.

earlygame.com-მა სხვადასხვა პოზიციის მიხედვით, საფეხბურთო თამაშის ახალი ვერსიის ყველაზე ნიჭიერი მოთამაშეები გამოარჩია.

მეკარის პოზიციაზე საუკეთესოთა შორის საქართველოს ნაკრებისა და "ვალენსიას" 23 წლის გოლკიპერი, გიორგი მამარდაშვილი მოხვდა. მისი შეფასება 80-ია, რაც თავის პოზიციაზე გამორჩეულ ექვს ფეხბურთელს შორის მეორე საუკეთესო შედეგია.

შემტევებს შორის, სადაც როგორც ორივე ფლანგის გარემარბები, ასევე ცენტრალური შემტევი ნახევარმცველები იგულისხმებიან, "ნაპოლის" ქართველ ვარსკვლავს 86-იანი ნიშნულით შეფასების გრაფაში მეორე პოზიცია უკავია და მხოლოდ მადრიდის "რეალის" შემტევს, ვინისიუს ჟუნიორს ჩამორჩება.