დინამო თბილისი საქართველოს ჩემპიონია

წყალბურთის კლუბი "დინამო თბილისი" საქართველოს ეროვნული ჩემპიონატის გამარჯვებულია. ისტორიულმა კლუბმა ქვეყნის ჩემპიონის ტიტული მეექვსედ მოიპოვა.

ტრიუმფისკენ მიმავალ გზაზე "დინამო თბილისმა" დამაჯერებლად იასპარეზა. ნახევარფინალში კლუბმა თბილისის "თბილისი" დამაჯერებლად, 18:4 დაამარცხა და ფინალის საგზური მოიპოვა, სადაც თბილისის "არენას" დაუპირისპირდა.

ფინალური მატჩი "დინამო თბილისის" დამაჯერებელი უპირატესობით წარიმართა, რაც ტაბლოზეც შესაბამისად აისახა. "დინამო თბილისმა" მეტოქე 18:8 დაამარცხა და საქართველოს ჩემპიონის ტიტულს დაეუფლა.

წყალბურთის კლუბი "დინამო თბილისი" 1938 წელს დაარსდა და არაერთი წარმატებული სეზონი განვლო, თუმცა, 1992 წელს კლუბი დაიშალა. 25 წლიანი პაუზის შემდეგ, 2017 წელს "დინამო თბილისი" ხელახლა დააფუძნეს და ლუკა იოაკიმიდის დიდი ტრადიციები აღადგინეს. პირველივე წელს "დინამო თბილისი" საქართველოს ჩემპიონი გახდა და წყალბურთის ჩემპიონთა ლიგაზე გასასვლელადაც დაიწყო ბრძოლა. 2018-19 წლებში, კლუბი ვერცხლისმედალოსანი გახდა, ხოლო 2020 წელს კვლავ საქართველოს ჩემპიონის ტიტულს დაეუფლა. დღეს მოპოვებული გამარჯვებით კი "დინამო თბილისმა" საქართველოს 6-გზის ჩემპიონობა იზეიმა.