ბუდუ ზივზივაძე ბუნდესლიგის ოფიციალურმა გვერდმა სიმბოლურ გუნდში შეიყვანა

საქართველოს ნაკრების ცენტრალური ფორვარდი, ბუდუ ზივზივაძე სხვადსხვა გერმანული მედია საშუალებების მიერ აღიარების შემდეგ, ბუნდესლიგის ოფიციალური გვერდის შედგენილ სიმბოლურ გუნდშიც მოხვდა.

32 წლის ფორვარდი გერმანიის ჩემპიონატის ოფიციალურმა გვერდმა 32-ე სათამაშო კვირის საუკეთესო თერთმეტეულში ისეთ ფეხბურთელებთან ერთად შეიყვანა, როგორებიც მაიკლ ოლისე, ლეონ გორეცკა (მიუნხენის ბაიერნი), ანდრეი კრამარიჩი (ჰოფენჰაიმი), პატრიკ შიკი (ლევერკუზენის ბაიერი) და სხვები არიან.

მიუნხენის ბაიერნის კარში შესრულებული დუბლის შემდეგ, ბუდუ ზივზივაძეს ბუნდესლიგის ამ სეზონში 6 გოლი აქვს გატანილი და თავისი გუნდის საუკეთესო ბომბარდირია. ჰაიდენჰაიმი 23 ქულით ბუნდესლიგაში მე-18 პოზიციას იკავებს და ვოლფსბურგს, რომელიც გადათამაშების ზონაშია, 3 ქულით ჩამორჩება.