ბითაძე: "ასეთი თამაშები ჩემი თავდაჯერებისთვის კარგია"

დასანანი მარცხის შემდეგ გოგამ ჟურნალისტებთან ისაუბრა: "როდესაც ხარ ბენჩის მოთამაშე, უნდა იყო მზად, რათა გუნდში ენერგია შეიტანო. ვფიქრობ, რომ ჩვენ ამის გაკეთება მოვახერხეთ. დღეს წაგებაზე საუბარი რთულია, თუმცა 18 ქულიანი უპირატესობიდან დავბრუნდით, ბოლოს კი უბრალოდ არ გაგვიმართლა. თამაში უნდა გავაგრძელოთ - როდესაც საკუთარ გვარს გაიგებ, უნდა გახვიდე პარკეტზე და თავი წარმოაჩინო, ეს არის ის, რის გამოც ჩვენ აქ ვართ. ტრავმის შემდეგ ამდენი სათამაშო დრო პირველად მივიღე, ასეთ დროს რთულია ფორმაში დაბრუნება, თუმცა მწვრთნელმა გადაწყვიტა, რომ უნდა მეთამაშა და მეც მზად ვიყავი. ეს ჩემი თავდაჯერებისთვის კარგია, ვიცი, რომ გუნდს ვჭირდები, შემიძლია შემოვიტანო რაღაც კარგი, რაც გამარჯვებაში დაგვეხმარება," - თქვა გოგა ბითაძემ.