"კვარაცხელია შესანიშნავად თამაშობს, რუდი გარსია კი, შეცდომებს უშვებს და უბრალოდ უმართლებს" - კასანო

იტალიური ფეხბურთის ლეგენდამ, ანტონიო კასანომ, რომელიც საქართველოს ნაკრებისა და "ნაპოლის" ვარსკვლავის, ხვიჩა კვარაცხელიას დიდი გულშემატკივარია, 22 წლის ქართველზე ისაუბრა.

მილანის "ინტერის", "მილანის", "რომას", მადრიდის "რეალისა" და იტალიის ნაკრების ყოფილმა თავდამსხმელმა, აღნიშნა, რომ კვარაცხელია შესანიშნავ ფორმაშია, გუნდის მთავარი მწვრთნელი, რუდი გარსია კი შეცდომებს უშვებს.

იტალიის სერია A-ში ჩატარებული 10 მატჩის შემდეგ, "ნაპოლის" 18 ქულა აქვს და სატურნირო ცხრილში მეხუთე ადგილს იკავებს, შემდეგ მატჩს კი, 4 ნოემბერს, "სალერნიტანასთან" გამართავს.