7 მედალი | პარაძიუდოისტებმა გუნდურ ჩათვლაში პირველი ადგილი დაიკავეს

გერმანიის ქალაქ ჰაიდელბერგში, 14 აგვისტოს, სტარტი აიღო ევროპის ჩემპიონატმა პარაძიუდოში.

კონტინენტის პირველობაზე საქართველოს დელეგაცია უძლიერესი შემადგენლობით გაემგზავრა - ჩვენს ნაკრებს 13 პარა ათლეტი წარმოადგენდა, რომელთანგან 7-მა, ინდივიდუალურ შეჯიბრებაში, მედლის მოპოვება შეძლო.

გუნდურ ჩათვლაში, საქართველოს ნაკრები - 3 ოქროს, 2 ვერცხლის და 2 ბრინჯაოს მედლით, ევროპის ჩემპიონატის პირველ ადგილზე გავიდა. შეჯიბრი მიმდინარეობდა 2 კატეგორიაში: J1 კატეგორია (უსინათლოთა შორის) და J2 კატეგორია (მცირემხედველთა შორის).

ინდივიდუალურ შეჯიბრში მოგებული მედლები:

ოქრო:

საბა ბაღდავაძე (J1, -81 კგ); ლევან გუგავა (J2, -81 კგ); რევაზ ჩიკოიძე (J2, +95 კგ)

ვერცხლი:

გიორგი გამჯაშვილი (J2, -70 კგ); ზვიად გოგოჭური (J2, +95 კგ)

ბრინჯაო:

ზურაბ ზურაბიანი (J2, -70 კგ); ინა ქალდანი (J2, +70 კგ)

16 აგვისტოს, გუნდური შეჯიბრება გაიმართება, სადაც საქართველოს ნაკრები ტიტულის დაცვას შეეცდება - 2025 წელს, ჩვენი პარაძიუდოისტთა ნაკრები, ისტორიაში პირველად გახდა ევროპის ჩემპიონი.