"ვოლკანოვსკისთვის ილიასთან ბრძოლა რთული გამოცდა იქნება" - მაიკლ ბისპინგი

როგორც მოგეხსენებათ, მომავალი წლის თებერვალში ილია თოფურია ქამრისთვის იბრძოლებს. "მატადორის" მოწინააღმდეგე ალექსანდრ ვოლკანოვსკი იქნება.

35 წლის ავსტრალიელმა ბოლოს 21 ოქტომბერს, UFC 294-ზე იასპარეზა, სადაც ისლამ მახაჩევთან დამარცხდა. ამის შემდეგ მან თავად დაადასტურა, რომ ილიასთან იბრძოლებდა.

აღნიშნული დაპირისპირება MMA-ს გულშემატკივარში ძალიან დიდ ინტერესს იწვევს. ილიასა და ვოლკანოვსკის ბრძოლის შესახებ UFC-ის ყოფილმა ჩემპიონმა მაიკლ ბისპინგმაც ისაუბრა.

ილიას კარიერაში 14, UFC-კი 6 გამარჯვება აქვს. ,,მატადორმა” ბოლო ბრძოლა 24 ივნისს, ფლორიდაში ჩაატარა, სადაც ჯოშ ემეტი მსაჯების ერთპიროვნული გადაწყვეტილებით დაამარცხა.