აკი ბაშოს მე-14 დღეს ტოჩინოშინი მიოგირიუსთან დამარცხდა. ქართველმა სუმოისტმა სექტემბერში მე-8 ბრძოლა წააგო და ოძეკის წოდება დაკარგა.
ლევანმა განცდილი მარცხის შემდეგ პირველი კომენტარი გააკეთა.
"სამწუხაროა, რადგან ბევრი ვიშრომე და საბოლოოდ, ასეთი შედეგი მივიღე. მარჯვენა მუხლი მაწუხებს, რის გამოც მარტივად ვერ ვმოძრაობ. ყველაფერს გავაკეთებ იმისათვის, რომ ოძეკის წოდება დავიბრუნო. მგონია, რომ ღმერთი მეორე შანსს მომცემს," - თქვა ტოჩინოშინმა.
