თურქეთის ხელბურთის ნაკრების კაპიტანი მის ვაჟთან ერთად გარდაცვლილი იპოვეს
თურქეთის ხელბურთის ფედერაციამ (THF) ოფიციალური განცხადება გააკეთა იმის შესახებ, რომ ეროვნული ნაკრების კაპიტანი - ჯემალ კუტაჰია და მისი ვაჟი ჩინარ კუტაჰია, თურქეთში მომხდარი საზარელი მიწისძვრის შედეგად გარდაიცვალნენ.
მრავალდღიანი ძებნის შემდეგ, თურქეთის ხელბურთის ეროვნული ნაკრების კაპიტანი, მის უმცროს ვაჟთან ერთად ნანგრევებიდან გარდაცვლილი ამოიყვანეს. ასევე იძებნებიან მისი ფეხმძიმე ცოლი და სიდედრი.
It is with great sadness that we learned of the death of Türkiye men's team captain Cemal Kütahya and his five-year-old son Çınar, who were buried in rubble due to the devastating earthquakes that hit Türkiye and Syria on Monday. Kütahya was a key part of the indoor national team pic.twitter.com/4pz1vlyAdC
— International Handball Federation (@ihfhandball) February 14, 2023
ამ უმძიმეს ტრაგედიას ასევე გამოეხმაურა, თურქეთის ხელბურთის ფედერაციის პრეზიდენტი - უღურ კილიჩი.
"ჯემალ კუტაჰია, დიდი გულის ადამიანი, ჩვენი ეროვნული ნაკრების კაპიტანი, ჩვენ მოუთმენლად ველოდით შენს დაბრუნებას და ბოლო წამამდე იმედს ვინარჩუნებდით, რომ ცოცხალი იქნებოდი შენს ვაჟთან და ოჯახის წევრებთან ერთად. შენ ჩაეხუტე შენს შვილს და გადაინაცვლე სამოთხეში, ძალიან ვწუხვარ. ჯემალის მეუღლისა და სიდედრის სამძებრო სამუშაოები გრძელდება".
სხვა სტატიები
.32.webp)
