უკრაინელი წყალბურთელი მარიუპოლში დაიღუპა
2 წლის წინ
სხვა
2 წთ
„ჩემს შვილს სიცოცხლე უყვარდა, არასოდეს ნებდებოდა და ნებისმიერ სირთულეზე ერთი პასუხი ჰქონდა - „ნუ ნერვიულობ მამა, ამას აუცილებლად გავაკეთებ“. ჩვენ გვქონდა ძალიან ახლო, სიყვარულით სავსე ურთიერთობა, ერთმანეთს უზომოდ ვენდობოდით. საშინელ ტკივილსა და აღუდგენელ დანაკარგს ვგრძნობ", - დაწერა Facebook-ზე ალექსანდრ ობედინსკიმ.მარიუპოლში დაღუპული სპორტსმენი სპორტის ოსტატი, "ილიჩივეტსის" მრავალგზის ჩემპიონი და უკრაინის ნაკრების კაპიტანი იყო. 3 შვილის მამას მებრძოლ, დაუღალავ და შეუპოვარ მოთამაშედ ახასიათებდნენ. რუსული აგრესია მარიუპოლში არ ჩერდება - მდგომარეობა ჰუმანიტარულ კატასტროფაშია გადაზრდილი. კრემლის დავალებით, რუსი ოკუპანტები შეუიარაღებელ, მშვიდობიან მოსახლეობას ბომბავენ. ქალაქის მერის, ვადიმ ბოიჩენკოს შეფასებით, გარდაცვლილთა რაოდენობა 5,000-ს აღწევს, მათ შორის ბავშვებიც არიან. ელექტროენერგიის, ბუნებრივი აირის, სასმელი წყლისა და სატელეფონო კავშირის გარეშე დარჩენილი ალყაშემორტყმული ქალაქიდან სიცოცხლის ფასად თავის დაღწევას კი მოსახლეობის მხოლოდ უმცირესი ნაწილი ახერხებს.