"მანჩესტერ იუნაიტედის ყოფილმა მარჯვენა მცველმა, გარი ნევილმა, "წითელ ეშმაკებში" ნათამაშები პირველი მატჩი გაიხსენა.
"ეს 26 წლის წინ მოხდა: UEFA-ს თასზე მოსკოვის "ტორპედოს" ვეთამაშებოდით. იმ დღეს მანჩესტერში, მიდლენდის სასტუმროში ვიყავით გაჩერებულები. ნაშუადღევს ჩემთან სერ ალექსი მოვიდა და მითხრა: "დღეს სათადარიგოთა სკამზე იჯდები, შვილო." სულ 3 წუთის განმავლობაში მომცა თამაშის უფლება და ბურთს ერთადერთხელ შევეხე, როდესაც აუტი ჩავაწოდე.
იმ ღამეს სახლში მამამ წამიყვანა მანქანით და მე უბედნიერესი ვიყავი - მე "მანჩესტერში" ვითამაშე, ეს უდიდესი პატივი იყო," აღნიშნა გარი ნევილმა.
"მანჩესტერ იუნაიტედის" მაისურით გარი ნევილმა 592 მატჩი ჩაატარა და ამ პერიოდში გუნდთან ერთად 2 ჩემპიონთა ლიგა, 12 პრემიერლიგა, 4 FA თასი და 3 ინგლისის ლიგის თასი მოიგო.