სანდრო ბაზაძემ კაიროს მსოფლიო თასზე ბრინჯაოს მედალი მოიპოვა

სანდრო ბაზაძემ, ხმლით ფარიკაობაში, 2026 წლის კაიროს მსოფლიო თასზე, ბრინჯაოს მედალი მოიპოვა.

ქართველმა მოფარიკავემ ტურნირი ბრწყინვალედ დაიწყო და პირველ შეხვედრაში, ინდოელ კარან სინს მარტივად სძლია (15:8). კიდევ უფრო გამანადგურებელი ანგარიში დაფიქსირდა იაპონელ კაიტო სტრიტსთან შეხვედრაში (15:4). ბაზაძემ მერვედფინალში რუსი პაველ გრაუდინი დაამარცხა (15:7). სანდრომ მეოთხედფინალში ამერიკელი მოფარიკავის, უილიამ მორილის ბარიერი გაიარა (15:10), ხოლო ნახევარფინალში, სამხრეთ კორეელ სანგუკ ოჰისთან დაძაბულ ბრძოლაში დამარცხდა (8:15).

კაიროს მსოფლიო თასზე, ოქროს მედლის მფლობელი სწორედ ბაზაძის დამმარცხებელი, სამხრეთ კორეელი სპორტსმენი გახდა.

შეგახსენებთ, რომ სანდრო ბაზაძე, 2025 წელს, თბილისში ჩატარებული მსოფლიო ჩემპიონატის ტრიუმფატორია.