კულისებში დაწყებული ჩხუბის გამო, UFC-ის პრესკონფერენცია გაუქმდა
უსაფრთხოების მიზნით, UFC-ის ისტორიაში პირველად პრესკონფერენცია გაუქმდა. მიზეზად ჩიმაევისა და დიასის გუნდებს შორის კულისებში დაწყებული ჩხუბი სახელდება.
That's a wrap from the #UFC279 Presser 😅
— UFC (@ufc) September 8, 2022
See you tomorrow for weigh-ins! pic.twitter.com/mxf9f9L5hJ
მოგვიანებით დანა უაითმა განაცხადა, რომ ხამზატ ჩიმაევსა და კევინ ჰოლანდს შორის ჩხუბი ატყდა და შემდეგ ეს ყველაფერი დიდ დაპირისპირებაში გადაიზარდა. დანა უაითის თქმით, პრესკონფერენციის გაუქმება, მებრძოლების უსაფრთხოებიდან გამომდინარე, სწორი ნაბიჯი იყო. უაითმა აღნიშნა, რომ UFC-ს არ ჰყავდა საკმარისი პერსონალი კულისებში იმისათვის, რომ სიტუაცია დაელაგებინა და მომავალში ამას გამოასწორებს.
A 1st time in @ufc history something like this happened #UFC279 pic.twitter.com/nLdHECh3ug
— The Schmo (@TheSchmo312) September 8, 2022
სპორტული ჟურნალისტის არიელ ჰელვანის თქმით, სიტუაცია მას შემდეგ გახდა უკონტროლო, რაც დაპირისპირებაში ნეით დიასის გუნდი ჩაერთო. ჰელვანის თქმით, დაპირისპირება ბოთლების სროლამდე და ხელჩართულ ჩხუბამდეც კი მივიდა.
ეს ყველაფერი გასაკვირი არ არის, იმის გათვალისწინებით, რომ ჩიმაევი ყოველთვის აცხადებდა, რომ დიასს თუ გუნდთან ერთად სურდა ჩხუბი ამას მიიღებდა.
”მე ომისთვის ვარ დაბადებული. შინაგანად მეომარი ვარ და სხვა არაფერი მაინტერესებს. როდესაც ჩხუბი მოდის, მე არც ფული მაინტერესებს და არც ის თუ რა მოხდება მის შემდეგ. თუ დიასს გუნდთან ერთად უნდა ბრძოლა, 20-მდე ბიჭი მყავს თან. ჩვენ ნებისმიერ გუნდთან ვიბრძოლებთ, თქვენ ეს იცით. მოხარული ვიქნები, თუ ეს მოხდება და მერწმუნეთ, რაღაც გიჟურს უნდა ელოდოთ. ”