Reuters: "დვალიშვილის საქმეზე 10 კაცია დაჭერილი"

ორგანიზაცია Real American Freestyle-ის (RAF) თანადამფუძნებელმა, ჩად ბრონშტაინმა განაცხადა, რომ მიუხედავად სასტუმროში მომხდარი ჩხუბისა, ისინი იმედოვნებენ, რომ მერაბ დვალიშვილი შაბათს აბუ დაბიში დაგეგმილ ღონისძიებაში მონაწილეობას მიიღებს, ხოლო უსმანი იქ მიწვეული აღარაა. ბრონშტაინის თქმით, ორგანიზაცია ამ საკითხზე ადგილობრივ სამართალდამცავებთან თანამშრომლობს.

აბუ დაბის პოლიციის განცხადებით, ხუთშაბათს, სასტუმროს შესასვლელთან მომხდარი დაპირისპირების გამო, მათ 10 პირი დააკავეს. მედიაში გავრცელებული ცნობებისა და ვიდეოკადრების თანახმად, ინციდენტი უკავშირდება მერაბ დვალიშვილსა და უსმან ნურმაგომედოვს (Reuters).

აბუ დაბიში, დახურულ შენობებში, ვიდეოგადაღება აკრძალულია. Reuters-ის ცნობებში არაა დაზუსტებული, ითვლებია თუ არა დაკავებულებად მერაბ დვალიშვილი და საბა ლაზიშვილი, თუმცა საბა ლაზიშვილის ძმის განცხადებით, ქართველები, რომლებსაც დაღესტნელები გუშინ დაუპირისპირდნენ, ამ დრომდე განყოფილებაში რჩებიან.