"ქამარი მე მეკუთვნის, ისინი უბრალოდ მინახავენ" - პაჩი მიქსი

UFC-მ Bellator-ის ყოფილი ჩემპიონი და საკმაოდ ძლიერი სუპერმსუბუქი წონის მებრძოლი დაიმატა, რომლის დებიუტი დვალიშვილის ქარდზე შედგება. პატრიკ მიქსი იმ სპორტსმენთა კატეგორიას მიეკუთვნება, რომელთაც დიდი ხანია UFC-ში ელიან. მრავალი წელია MMA-ს სამყაროში "პაჩის" სახელი ისმის და თავად ამერიკელიც ამბობს, რომ საუკეთესოა. მიქსს საკუთარი ძალის დამტკიცება UFC-ში სურს და აღნიშნა კიდეც, რომ მისი ჩემპიონობა მხოლოდ დროის საკითხია.

შეგახსენებთ, რომ "პაჩის" დებიუტი მარიო ბაუტისტასთან შედგება. მათი ჩხუბი 8 ივნისს გამთენიისას დაიწყება.