ორტეგამ წონის კლებისას გონება დაკარგა, მაგრამ ბრძოლას მაინც არ ჩაეხსნა

კვირას UFC-ს მორიგ ღონისძიებას შანხაი უმასპინძლებს. საღამოს მთავარი ბრძოლა ბრაიან ორტეგასა და ალჯამაინ სტერლინგს შორის შედგება. ჩხუბი ქვემსუბუქ წონაში - 66 კილოგრამში უნდა შემდგარიყო, თუმცა, გეგმები შეიცვალა.

ბრაიან ორტეგას წონის კლების პროცესი ძალიან გაუჭირდა. ზოგიერთი გამოცემა წერდა, რომ მებრძოლმა გონებაც კი დაკარგა. მიუხედავად ამ ყველაფრისა, ორტეგამ ჩხუბზე უარი არ თქვა და სტერლინგს მაინც დაუპირისპირდება. შეიცვალა მხოლოდ წონითი კატეგორია. ბრძოლა არა ქვემსუბუქ, არამედ მსუბუქ წონაში (70 კგ.) გაიმართება.

UFC Shanghai-ს ბრძოლები კვირას 12:00 საათიდან დაიწყება.