კოტე კაპანაძე | პირველი მედალი ეროვნულ ნაკრებში და წინსვლა მსოფლიო რეიტინგში

საქართველოს ძიუდოისტთა ნაკრებმა, დუშანბეს გრანდ სლემი ერთი ბრინჯაოს მედლით დაასრულა.

ერთადერთი მედალი 22 წლის კოტე კაპანაძემ მოიპოვა, რომლისთვისაც ეროვნულ ნაკრებში სადებიუტო მედალია. კოტემ ბრინჯაოს მედლისთვის ბრძოლაში, აზერბაიჯანელი - სულეიმან შუკუროვი დაამარცხა.

კოტე კაპანაძემ მოპოვებული ბრინჯაოს მედლით, მსოფლიო რეიტინგში 500 ქულა დაიმატა და 97 პოზიციით დაწინაურდა. 22 წლის ქართველის ანგარიშზე 627 სარეიტინგო ქულაა და იგი მსოფლიო რეიტინგის 79-ე ნომერია.

შეგახსენებთ, რომ კოტე კაპანაძე ახალგაზრდებს შორის ევროპის ჩემპიონია.