JUDOINSIDE ბექაურის ტრიუმფზე | "ზეწოლის ქვეშ მას იშვიათი უნარი აქვს, საფრთხე დომინირებად აქციოს"
4 დღის წინ
სხვა
1 წთ
ლაშა ბექაურმა აბუ დაბის გრანდ სლემზე -90კგ წონით კატეგორიაში პირველობა არავის დაუთმო. ორგზის ოლიმპიურმა ჩემპიონმა მორიგი დომინანტური პერფორმანსი შემოგვთავაზა და პირად აქტივს გრანდ სლემის მორიგი ოქროს მედალი შემატა.
ლაშა ბექაურმა საკმაოდ მარტივად შეძლო ის, რაც მეტოქეებისთვის შეუძლებელია. ქართველი ჩემპიონის დამაჯერებელ გამოსვლას ძიუდოს ერთ-ერთი ყველაზე პრესტიჟული საიტი "Judoinside" გამოეხმაურა და 2-გზის ოლიმპიური ჩემპიონის მიმართ საქებარი სიტყვები არ დაიშურა.
"აბუ დაბის გრანდ სლემზე 90 კგ-მდე წონით კატეგორიაში ბოლო ბლოკში ოქროს მედლისთვის ბრძოლა ორ უძლიერესს შორის გაიმართა, რომლებმაც წილისყრა საპირისპირო გზებით გაიარეს - ლაშა ბექაური, როგორც ყოველთვის სტაბილური და შთამბეჭდავი იყო.
პირველი ოცი წამის განმავლობაში ბექაურმა გამარჯვებისკენ სერიოზული ნაბიჯი გადადგა, ლატიშევი თავისი საფირმო, ფართო თაღოვანი მაკიკომით დააგდო, ტექნიკა, რომელიც ისეთივე ძლიერია, როგორც მისი შეჩერებაა შეუძლებლად რთული.
მოლდოველი ძიუდოისტი არ დანებებულა. მან დაუნდობელი ზეწოლით უპასუხა და ორგზის ოლიმპიური ჩემპიონი ზღვარზე გადაიყვანა. თუმცა, სწორედ ასეთ მომენტებში ვლინდება ბექაურის ბრწყინვალება. ზეწოლის ქვეშ მას იშვიათი უნარი აქვს, საფრთხე დომინირებად აქციოს.
როდესაც ლატიშევი წინსვლას აგრძელებდა, ბექაურმა იმპულსი შეცვალა და "ოსოტო ოტოში“ შეასრულა. ჩემპიონმა ტექნიკა მყისიერად გამოიკვეთა და ლატიშევი იპონისთვის ზურგზე დააგდო.
ამას მოჰყვა ქართველი გმირის მეოთხე დიდი სლემის ტიტული და მან კიდევ ერთხელ დაამტკიცა, რომ ის ამ სპორტის ერთ-ერთი უდიდესი ფიგურაა და თან ჯერ 24 წლის არის." - JUDOINSIDE
შეგახსენებთ, რომ წლის ბოლომდე ლაშა ბექაურს კიდევ ერთ მნიშვნელოვან ტურნირზე ვიხილავთ. 6-7 დეკემბერს, იაპონიის დედაქალაქი ტოკიო გრანდ სლემს უმასპინძლებს, სადაც საქართველოს ძიუდოისტთა ნაკრები 13 მონაწილით იასპარეზებს.
სხვა სტატიები
.32.webp)
