ინგა გურგენიძემ ახალგაზრდულ ოლიმპიურ ფესტივალზე ოქროს მედალი მოიპოვა

საქართველოში მიმდინარე 2025 წლის ზამთრის ახალგაზრდულ ოლიმპიურ ფესტივალზე, ფიგურულ ციგურაობაში, ინგა გურგენიძემ ოქროს მედალი მოიპოვა.

გუშონდელი დღის შემდეგ, გურგენიძე მესამე ადგილს იკავებდა, მან მოკლე პროგრამში 58.84 ქულა დააგროვა. დღეს მონაწილეებმა თავისუფალი პროგრამით ისრიალეს და ინგა გურგენიძემ 128.97 ქულა დაიმსახურა, ხოლო საერთო ჯამში მოპოვებული 187.81 ქულით ევროპის ზამთრის ახალგაზრდული ოლიმპიური ფესტივალის გამარჯვებული გახდა. ოქროს მედლის მფლობელი სულ რაღაც 15 წლისაა.