"ილიას დამარცხება თუ მინდა, კატარისნაირი ბიჭის გათიშვა უნდა შემეძლოს" - ალჯამაინ სტერლინგი

ქვემსუბუქ წონაში ალჯამაინ სტერლინგმა სადებიუტო ბრძოლა გამართა. UFC 300-ზე "ალჯომ" კელვინ კატარი დაამარცხა და ახალ დივიზიონში პირველი გამარჯვებაც მოიპოვა.

მიუხედავად, გამარჯვებისა სტერლინგი საკუთარი ბრძოლით უკმაყოფილო იყო. სუპერმსუბუქი წონის ყოფილ ჩემპიონს სატიტულო ამბიცია აქვს. ღონისძიების დასრულების შემდეგ, პრესკონფერენციაზე საუბრისას განაცხადა, რომ ილიას დასამარცხებლად სხვა დონის პერფორმანსია საჭირო.

UFC 300-მა გაცემული ავანსები 100%-ით გაამართლა. არაჩვეულებრივ ბრძოლებთან ერთად საოცარი სანახაობაც ვნახეთ. BMF-ის ქამრისთვის ერთმანეთს გეიჯი და ჰოლოუეი შეხვდენენ, სადაც ამ უკანასკნელმა ნოკაუტით გაიმარჯვა. მაქსმა ოქტაგონიდან ილია თოფურია გამოიწვია.