ფორმულა 1-ის ერთ-ერთი გამორჩეული პილოტი, რომელიც გულშემატკივრისათვის საკმაოდ კარგადაა ცნობილი, წლევანდელი სეზონის დასრულების შემდეგ, Ferrari-ს საჯინიბოს დატოვებს.
აღნიშნული გადაწყვეტილება Ferrari-ს ბოსებმა და კიმი რაიკონენმა ერთობლივად მიიღეს. ფორმულა 1-ის, 2007 წლის ტრიუმფატორი, უკანასკნელი ოთხი წლის მანძილზე იცავს იტალიური საჯინიბოს ღირსებას. Scuderia Ferrari-მ, ტიტულოვან პილოტს, ღირსეული პატივი მიაგო. ოფიციალურად დადასტურდა, რომ 17 წლიანი განშორების შემდეგ, რაიკონენი კვლავ Sauber-ის ბოლიდზე გადაჯდება.