F1-მა პიკეს სიტყვები დაგმო | ჰამილტონს რასისტული შეურაცხყოფა მიაყენეს

1 წლის წინ სხვა

1 წთ

F1-მა მსოფლიოს სამგზის ჩემპიონის, ნელსონ პიკეს სიტყვები დაგმო - ყოფილმა ბრაზილიელმა მრბოლელმა ლუის ჰემილტონი რასისტული, შეურაცხმყოფელი სიტყვებით მოიხსენია. 69 წლის ბრაზილიელმა, რომელიც მსოფლიო ჩემპიონის ტიტულს 1981, 1983 და 1987 წლებში დაეუფლა, ჰამილტონი მოიხსენია სიტყვით neguinho, რომელიც რასობრივ ნიადაგზე, შეურაცხმყოფელ სიტყვად არის მიჩნეული. პიკეს ჰამილტონის მისამართით აღნიშნული სიტყვა მაშინ გამოიყენა, როდესაც იგი ერთ-ერთ პოდკასტში, გასული წლის სეზონს მიმოიხილავდა. მისი აზრით, ბრიტანეთის გრან პრიზე, ჰამილტონი ვერსტაპენს განზრახ დაეჯახა, რის შედეგადაც ნიდერლანდელი ბარიერს შეეჯახა და რბოლას გამოეთიშა. აღსანიშნავია, რომ ნელსონ პიკე მაქს ვერსტაპენის მეგობარი გოგოს, კელი პიკეს მამაა.

„დისკრიმინაციული ან რასისტული საუბრის მანერა ნებისმიერი ფორმით მიუღებელია და მას ჩვენს საზოგადოებაში არაფერი ესაქმება. ლუისი ჩვენი სპორტის საოცარი წარმომადგენელია და მეტ პატივისცემას იმსახურებს. მისი დაუღალავი შრომა, მრავალფეროვნების ხელშეწყობისთვის, ბევრისთვის გაკვეთილს უნდა წარმოადგენდეს", - ვკითხულობთ F1-ის განცხადებაში.

ისიც სათქმელია, რომ ლეგენდარული მრბოლელი არასასიამოვნო განცხადებებით ხშირად გამოირჩევა. მაგალითისთვის, პიკემ აირტონ სენამ სექსუალური ორიენტაცია საჯაროდ კითხვის ნიშნის ქვეშ დააყენა და მას "სან პაულოელი ტაქსის მძღოლი" უწოდა.

გუგა როგავა

სხვა სტატიები

ფერარი პოდიუმზე - რედ ბული კვამლში | ავსტრალიის გრან პრი იტალიელების ტრიუმფით დასრულდა

ლუის ჰამილტონი: "იმედი მაქვს, მერსედესი უფრო ძლიერ ბოლიდს ააწყობს"