El Mundo: ილია თოფურია სასამართლოში დაიბარეს

ესპანური გამოცემა El Mundo იტყობინება, UFC-ის ორგზის ჩემპიონი, ილია თოფურია (17-0), 7 იანვარს, მოსტოლესში (მუნიციპალიტეტი მადრიდთან), ქალთა მიმართ ძალადობის საქმეზე, სასამართლოში დაიბარეს,

მებრძოლის ყოფილმა მეუღლემ, ჯორჯინა უსკატეგიმ და მისი წლინახევრის ქალიშვილის დედამ, რომელიც დაცვის პროგრამაშია, სავარაუდო ძალადობის ბრალდებით საჩივარი შეიტანა. ის ილიას „ოჯახურ და გენდერულ ძალადობაში“, ასევე „დაზიანებებსა და ოჯახში ძალადობაში“ ადანაშაულებს. სპორტსმენის გარემოცვა ირწმუნება, რომ „ყველაფერი მაშინ დაიწყო, როდესაც ილიამ განქორწინება სთხოვა". გაზეთის ცნობით, ამ საქმის სამოქალაქო პროცესი ჯერ კიდევ მიმდინარეობს.

15 დეკემბერს თოფურიამ სოციალურ ქსელში განცხადება გაავრცელა, სადაც განმარტა საკუთარი დელიკატური პირადი მდგომარეობა, რის გამოც მას არ შეეძლო ბრძოლა და გვირგვინის დაცვა 2026 წლის პირველ კვარტალში.