დღეს, 22 თებერვალს, სტარტი დიუსელდორფის გრანდ სლემის მეორე საშეჯიბრო დღემ აიღო, სადაც საქართველოს ნაკრების ღირსებას 4 ფალავანი იცავს: ლაშა შავდათუაშვილი და ფრიდონ გიგანი -73 კგ წონით კატეგორიაში ასპარეზობენ, ხოლო -81 კგ-ში კი, ნუგზარ ტატალაშვილი და ტატო გრიგალაშვილი იბრძოლებენ მედლებისთვის.
-73 კგ წონით კატეგორიაში ლაშა შავდათუაშვილი 1/8 ფინალში გავიდა. მან უზბეკი - შახრან ახმადოვი დაამარცხა და შემდეგ ეტაპზე მისი მეტოქე სლოვენიელი - მარტინ ჰოიაკი იქნება.
