IJF | გამოწვევა 2020 - ჩემპიონთა ქარხანა

ძიუდოს საერთაშორისო ფედერაციამ, პროექტ-გამოწვევა 2020-ის დიდი წარმატების შესახებ წერს.

2023 წლის ძიუდოს მსოფლიო ჩემპიონატზე, საქართველო ამჟამად მეორე ადგილზეა გუნდურ ჩათვლაში, მაგრამ ამ დიდი წარმატებისთვის მხოლოდ ნიჭი არ არის საკმარისი. მიუხედავად იმისა, რომ ყველა ქართველ სპორტსმენს აქვს უდაო ფიზიკური და ტექნიკური თვისებები და უნარები, მათ ასევე ზედამხედველობს საქართველოს ძიუდოს ფედერაცია, რომელიც გრძელვადიან პერსპექტივას ხედავს.

2017 წლიდან „გამოწვევა 2020“-ს პერსპექტიული ახალგაზრდა ძიუდოისტების ჯგუფი შეუერთდა. მათ შორის არიან ლაშა ბექაური, ლუკა მაისურაძე და ტატო გრიგალაშვილი. ეს სახელები არაფერს ნიშნავს თქვენთვის? ბექაური ტოკიოში ოლიმპიური ჩემპიონი გახდა, მაისურაძემ ახლახან დოჰაში მსოფლიო ჩემპიონობა აღნიშნა და გრიგალაშვილმა კატარში მეორე მსოფლიო ჩემპიონატის ტიტული მოიპოვა.

"გამოწვევა 2020"-ს საქართველოს ძიუდოს ფედერაციის ვიცე-პრეზიდენტი - დავით ქევხიშვილი ხელმძღვანელობდა. ქევხიშვილმა განმარტა, თუ როგორ მუშაობდა და იწყებოდა "პროექტი 2020:

"2017 წელს მივხვდით, რომ მხოლოდ ჩვენი ძიუდოისტის ნიჭის ხარჯზე არ უნდა გვემოქმედა. რა თქმა უნდა, მნიშვნელოვანია იყო ნიჭიერი, მაგრამ ეს საკმარისი არ არის, მით უმეტეს, თუ გრძელვადიან პერსპექტივაში ფიქრობ. საერთაშორისო დონეზე კონკურენცია ძალიან ინტენსიურია, ყველა ქვეყანას სურს ასპარეზობა და ყველგან არის ნიჭიერი ხალხი.

2019 წლის ახალგაზრდული მსოფლიო ჩემპიონი - ლაშა ბექაური

ჩვენ დავიწყეთ დიდი პოტენციალის მქონე ახალგაზრდა ძიუდოისტის გამოვლენა კადეტთა შეჯიბრების დროს, ქვეყნის შიგნით და მის ფარგლებს გარეთ. ჩვენ ასევე გვაქვს 15-წლამდელთა საკლუბო ჩემპიონატი საქართველოში, რამაც კარგი შედეგები მოგვცა.

გადავწყვიტეთ ორი პროგრამის ერთდროულად ჩაშვება, საიდანაც ერთ-ერთი მთავარი ნაკრებისთვისა და ახალგაზრდა პერსპექტიული სპორტსმენებისთვის იყო. ეს ყველაფერი ეხებოდა ძიუდოს უნარებს, მაგრამ არა მხოლოდ. ყველაფერი გავაკეთეთ იმისთვის, რომ კარგ პირობებში ევარჯიშათ.

ეს ასევე მოიცავდა ზოგად ცოდნას ძიუდოს, ფიზიკურ და გონებრივ მომზადებაზე. ნაბიჯ-ნაბიჯ გამოწვევა 2020 გახდა დიდი მოტივაცია ყველასთვის. მან შექმნა პოზიტიური თანხვედრა ძველ და ახალგაზრდა თაობებს შორის. ასე რომ, ძირითადად ორი ქართული გუნდი გვყავდა, უკვე გამოცდილი ჩემპიონები და მომავალი ძიუდოისტები. დღეს ჩვენ ვიღებთ ამ სტრატეგიის შედეგებს. ” - დავით ქევხიშვილი.

შედეგების ყურება არის "გამოწვევა 2020"-ის წარმატების აშკარა დემონსტრირება, მაგრამ არის თუ არა ეს ისტორიის დასასრული? "გამოწვევა 2020 იყო ახლა უკვე მსოფლიო ძიუდოს ვარსკვლავების პირველი ეტაპი. ჩვენ უკვე გადავდგით შემდეგი ნაბიჯები და დავიწყეთ მუშაობა გამოწვევა 2024 და 2028 წლისაზე.

საქართველოს ძიუდოს ფედერაციის პრეზიდენტის, გიორგი ათაბეგაშვილისთვის ყველაფერი ნათელია.

„დღეს უკვე შეიძლება ითქვას, რომ როგორც ფედერაცია, ისე თავად ძიუდო საქართველოში არის ქართული სპორტის სამაგალითო მოდელი, როგორ შეიძლება რეფორმების გატარება და პროგრესი. ქართულ ძიუდოს ყოველთვის ჰქონდა შედეგები, თუმცა არც ისე მასშტაბური. დღევანდელი მიღწევები არის კარგად ორგანიზებული სისტემის დამსახურება, რომელმაც შექმნა ჯანსაღი კონკურენცია ეროვნულ ნაკრებში და იზრუნა მომავალი თაობის აღზრდაზე.

სამართლიანობისთვის უნდა ითქვას, რომ ეს რეფორმები ძიუდოში დაიწყო ფედერაციის ამჟამინდელი ხელმძღვანელობის მიერ, რომელმაც ძიუდოს განვითარება ახალ სიმაღლეზე აიყვანა და ახალი ინოვაციური მიდგომები შესთავაზა.

"გამოწვევა 2020" რომელიც არის ინოვაციური მიდგომა ქართული რეალობისადმი, იყო უზარმაზარი ნახტომი რეფორმების გზაზე. ფედერაციამ შეარჩია ნიჭიერი ახალგაზრდები, გაიყვანა შეჯიბრებებზე, საშუალება მისცა საწვრთნელ ცენტრში ეცხოვრათ და მკაცრ რეჟიმში ევარჯიშათ. სპორტსმენებს ვარჯიშის გარდა სხვა არაფერი ჰქონდათ საფიქრალი.

აღსანიშნავია, რომ ყველაფერთან ერთად ფედერაციამ იზრუნა სპორტსმენების განათლებაზა. მასწავლებლების აყვანა სასკოლო პროგრამებისთვის და ა,შ. ფაქტია, რომ ეს ყველაფერი ნაყოფიერი აღმოჩნდა.

""გამოწვევა 2020"-თან ერთად დიდი ყურადღება დაეთმო დისციპლინასაც. გვინდოდა თავიდანვე შეგვეჩვია ახალგაზრდები სპორტულ გარემოს. ფედერაციამ გააფორმა კონტრაქტები სპორტსმენებთან, დაადგინა ქცევის კოდექსი, რომელიც დეტალურად განსაზღვრავდა სპორტსმენებს რის უფლებას აძლევდნენ.

"გარდა ამისა, ფედერაციამ ასევე შეიმუშავა სპეციალური პროგრამები მწვრთნელებისთვის და ჩაატარა რამდენიმე ტრენინგი მათი კვალიფიკაციის ასამაღლებლად. ჩვენი გუნდი მთელი ძალისხმევით მუშაობს უმაღლესი მიზნისთვის. სპორტსმენების, მწვრთნელების, ექიმების, ფედერაციის და თითოეული ადამიანის მიერ გაწეული დიდი შრომა ნამდვილად დაფასდა და რეკორდულ შედეგს მივაღწიეთ.

ეს არის ერთი გზა, ერთი ხედვა, ერთი გუნდი. ეს საქართველოს ძიუდოს ფედერაციაა და ვფიქრობთ, ასეთ გაერთიანებულ, შედეგზე ორიენტირებულ გუნდს იშვიათად ნახავთ არამარტო ძიუდოში, არამედ სპორტის ნებისმიერ სახეობაში“. - გიორგი ათაბეგაშვილი.

საქართველოს ჰქონდა გეგმა და საუკეთესოდ განახორციელეს. მათ ჯერ კიდევ აქვთ გეგმა და ადრეთუ გვიან, ისინი გააგრძელებენ შედეგს და დიდებას.