7 ივნისს ყვარელში ავთანდილ ჭრიკიშვილის სახელობის საკლუბო ჩემპიონატი გაიმართება
7 ივნისს, ყვარელში, 2007-2009 წლებში დაბადებული ბავშვებისთვის, ავთანდილ ჭრიკიშვილის სახელობის საკლუბო ჩემპიონატი - "ოქროს ლიგა" გაიმართება.
ოქროს ლიგაში მონაწილეობას 12 გუნდი მიიღებს, რომლებიც 2023 წლის 19 აპრილს გამართულ საკვალიფიკაციო ეტაპზე 12 საუკეთესო გუნდში მოხვდნენ.
ეს გუნდები არიან: "ბაგრატი 2015"; "ვიპ ძიუდო"; "შავი ავაზა"; "ჩემპიონი 2015"; "ელვა"; "დურმიშხანი"; "თელავი"; "მებრძოლი 2015"; "ჯორჯია"; "ცირეკიძე"; "არსენა" და "ლიდერი".
შეჯიბრი გაიმართება ძიუდოს საერთაშორისო ფედერაციის წესების მიხედვით და მხოლოდ გუნდურ პირველობაში. შეჯიბრზე ვაჟთა შორის 5 წონითი კატეგორიაში: -55 კგ; -60 კგ; -66 კგ; -73 კგ და +73 კგ-ში ჩატარდება.
შეჯიბრის საპრიზო თანხად განსაზღვრულია 260 000 ლარი, რაც კლუბებზე შემადგნაირად გადანაწილდება:
- I ადგილი - 50 000 ლარი
- II ადგილი - 40 000 ლარი
- III ადგილი - 30 000 ლარი
- IV ადგილი - 20 000 ლარი
- V ადგილი - 20 000 ლარი
- VI ადგილი - 15 000 ლარი
- VII ადგილი - 15 000 ლარი
- IX-XII ადგილი - 10 000 ლარი
შეჯიბრს ყვარელი უმასპინძლებს, წინასწარი შეხვედრები დილის 12:00 საათზე დაიწყება.