არმან დუპლანტისმა მე-15 მსოფლიო რეკორდი დაამყარა

შვედეთის ქალაქ უფსალაში გამართულ ტურნირზე (Mondo Classic) ჭოკით მხტომელმა არმან დუპლანტისმა 6.31 მეტრი პირველივე ცდაზე დაძლია და საკუთარი რეკორდი კიდევ 1 სანტიმეტრით გააუმჯობესა. შედეგად, შვედმა კარიერაში მე-15 მსოფლიო რეკორდის დამყარება შეძლო.

ეს დუპლანტისისთვის სამშობლოში მე-2 რეკორდი იყო. აღსანიშნავია, რომ 26 წლის სპორტსმენმა გუშინ ზედიზედ 38-ე გამარჯვება მოიპოვა.

დუპლანტისმა პირველი მსოფლიო რეკორდი (6.17) 2020 წლის თებერვალში, პოლონეთის ქალაქ ტორუნში დაამყარა. მას შემდეგ შვედი საკუთარ რეკორდებს ზუსტად 1სმ-ით აუმჯობესებს.