"26 გოლი გავიტანე, მაგრამ მათ კაკა და ბენზემა მოიყავნეს" - იგუაინმა რეალში გატარებული პერიოდი გაიხსენა 

"ბენზემასთან ერთად ეს ძალიან ჯანსაღი კონკურენცია იყო. ასეთ დროს საკუთარი შესაძლებლობების მაქსიმუმი უნდა გააკეთო. კრიშტიანუს გუნდში მოსვლის შემდეგ, მან 27 გოლი გაიტანა, მე კი - 26. მომდევნო სატრანსფერო ფანჯრისას მათ კაკა და ბენზემა დაიმატეს, სწორედ მაშინ ვთქვი - რამდენი გოლი უნდა გავიტანო? ქარიმი მოვიდა და ჩვენ ერთმანეთთან კონკურენციის მიზნით საკუთარი შესაძლებლობების მაქსიმუმი წარმოვაჩინეთ. ის უზარმაზარი შესაძლებლობების მქონე 9 ნომერია", - თქვა 33 წლის ფორვარდმა. მსოფლიოს 2014 წლის ჩემპიონატის ფინალისტმა ფეხბურთელმა ასევე "სამეფო კლუბში" მის მიერ გატარებულ პირველ პერიოდზე და 18 წლის ასაკში პერსპექტივებზე ისაუბრა: "მე "რეალის" მთავარ გუნდში სათამაშოდ არ მივდიოდი. მათ ჩემი კონტრაქტი შეიძინეს კასტილიისთვის, საიდანაც არსებობდა განათხოვრების შესაძლებლობა. თვითმფრინავში მამაჩემმა მითხრა: "ერთადერთი, რასაც მე გთხოვ, არის ის, რომ არ შეგეშინდეს. არასოდეს შეგეშინდეს, მაგრამ იყავი პატივისცემით" - და ეს ფრაზა ჩემთან დარჩა. ჩამოსვლის შემდეგ, პირველ გუნდთან ერთად ვვარჯიშობდი, მეორე ვარჯიშზე კი ფაბიო კაპელომ მითხრა - შენ ჩვენთან დარჩები. სამი ან ოთხი დღის შემდეგ ჩემი დებიუტი როგორც კოპა დელ რეიზე ძირითად შემადგენლობაში შედგა. საბოლოოდ მე თამაში მარჯვენა ფლანგზე დავამთავრე". იგუაინმა, რომელიც ლეგენდარული ფეხბურთელის, დევიდ ბექჰემის მიერ დაარსებულ კლუბში ირიცხება, მისი თანამემამულის, ლიონელ მესის კარიერის ბოლოს ამერიკულ კლუბში გადაბარგების შესახებაც გააკეთა კომენტარი: "გამოუვალ მდგომარეობაში ნუ ჩამაყენებთ, წარმოდგენა არ მაქვს გადმოვა თუ არა ლიონელ მესი "ინტერ მაიამიში".