U16 ევრობასკეტი | საქართველოს ნაკრებმა 12-კაციანი შემადგენლობა დაასახელა

პირველად, ქართული კალათბურთის ისტორიაში - ევროპის ასაკობრივი ჩემპიონატის ფინალურ ეტაპს (A დივიზიონს) თბილისი უმასპინძლებს.

დღეს, 16-წლამდელთა 12-კაციანი შემადგენლობა დასახელდა:

• ბესო გიგაური

• დავით ტრაპაიძე

• ლუკა ფოჩხუა

• სანდრო შერვაშიძე

• ალექსანდრე იაშვილი

• ნიკოლოზ ბოდაველი

• ნიკოლოზ მარკოიშვილი

• გიორგი გოგოლაშვილი

• იური კვირიკაშვილი

• ბექა გაგუა

• აკმალხან აუბაკიროვი

• საბა პატაშური

საქართველოს 16-წლამდელთა საკალათბურთო ნაკრები C-ჯგუფში ითამაშებს და ხვალ,, 8 აგვისტოს, 18:30 საათზე, ესპანეთს დაუპირისპირდება. 9 აგვისტოს, 18:30 საათზე, საქართველოსა და სერბეთის, ხოლო 10 აგვისტოს, ასევე 18:30 საათზე, საქართველოსა და გერმანიის მატჩი გაიმართება.

აქამდე საქართველოში მხოლოდ 20-წლამდელთა B და 16 წლამდე გოგონათა C დივიზიონები გამართულა. კონტინენტის რანგით უმაღლეს ასაკობრივ ტურნირს თბილისი არენა და ოლიმპიური სასახლე 8-დან 16 აგვისტოს ჩათვლით უმასპინძლებს.

საქართველოს 16-წლამდელთა ნაკრები ბოლო 2 სეზონია, A დივიზიონშია. შარშან, ზაფხულში, ნიკა ცინცაძის გაწვრთნილმა 16-წლამდელებმა საბერძნეთში გამართულ ევრობასკეტზე 16 მონაწილეს შორის მე-13 ადგილი დაიკავეს და ელიტაში ადგილი შეინარჩუნეს. ბოლო 3 ადგილზე გასული პოლონეთი, ბულგარეთი და ხორვატია B დივიზიონში დაქვეითდნენ.