ევროლიგის ოთხთა ფინალის მესამე ადგილისთვის ბრძოლაში მოსკოვის ,,ცსკა'' ,,მილანთან'' 10-ქულიანი სხვაობით, ანგარიშით 73-83 დამარცხდა.
წაგებულ მატჩში რუსული გუნდის ერთ-ერთმა ლიდერმა, თორნიკე შენგელიამ 18 ქულა, 9 მოხსნა, 3 შედეგიანი გადაცემა და 3 ჩაჭრა მოაგროვა. საქართველოს ნაკრების კაპიტანის მარგი ქმედების კოეფიციენტმა 26 შეადგინა, რაც ორივე კლუბის შემადგენლობაში საუკეთესო შედეგი იყო.
,,მილანს'' 14 ქულით, 6 ასისტით, 3 მოხსნითა და 1 ჩაჭრით სერხიო როდრიგესმა ულიდერა.
დღეს, 22:30 საათზე, ევროლიგის ფინალური მატჩიც გაიმართება, რომელშიც ერთმანეთს ,,ბარსელონა'' და ,,ეფესი'' შეხვდებიან.
.32.webp)
