ტაირის ჰალიბარტონმა კრის პოლის უნიკალური მიღწევა გაიმეორა

,,ინდიანა პეისერსმა'' ,,ჩიკაგო ბულსს'' სტუმრად 16-ქულიანი სხვაობით, ანგარიშით 120:104 მოუგო.

საოცარი შეხვედრა ჩაატარა ,,პეისერსის'' უკანახაზელმა, ტაირის ჰალიბარტონმა - 23 წლის კალათბურთელი გახდა მეორე მოთამაშე NBA-ის ისტორიაში, ვინც 20+ ქულა და 20+ ასისტი დაკარგვის გარეშე მოაგროვა (ტაირისს 21 ქულასთან და 20 პასთან ერთად, 3 მოხსნა, 2 ჩაჭრა და 1 დაფარებაც ჰქონდა).

ჰალიბარტონმა კრის პოლის შედეგი გაიმეორა, რომელმაც ანალოგიური სტატისტიკა 2016 წლის 10 დეკემბერს, ,,ნიუ ორლეანს პელიკანსის'' წინააღმდეგ დააფიქსირა.

მიმდინარე სეზონში ,,ინდიანას'' ლიდერი საშუალოდ 24,8 ქულას, 12,1 ასისტს (პირველი ლიგაში), 4 მოხსნასა და 1 ჩაჭრას აგროვებს.