სვიატოსლავ მიხაილიუკი: "ყველაზე მნიშვნელოვანი დაპირისპირება საქართველოსთან გველის"

"ნაკრებში ყოფნის ემოციები ყოველთვის დადებითია - განსაკუთრებით ისეთ რთულ ვითარებაში, როგორიც ახლაა. ყოველთვის მინდა ნაკრებში თამაში და როდესაც ამის შესაძლებლობა მეძლევა, დაუფიქრებლად მოვდივარ. წელს მსოფლიო ჩემპიონატის საკვალიფიკაციო ეტაპის უმნიშვნელოვანესი მატჩები გვაქვს და მოვედი, რომ გუნდს მიზნების მიღწევასა და მსოფლიო ჩემპიონატზე დაბრუნებაში დავეხმარო". "შანსები ყოველთვის არის, რადგან ადრეც დავამტკიცეთ, რომ ესპანეთის დამარცხება შეგვიძლია. ახლა ყველაზე მნიშვნელოვანი მატჩი საქართველოს წინააღმდეგ გველის. მათ წინააღმდეგ თამაში რთული იქნება, რადგან საქართველოს ნაკრებში NBA-სა და ევროლიგის მოთამაშეები ასპარეზობენ, მაგრამ, გამარჯვებისათვის ბოლომდე ვიბრძოლებთ. თავდაპირველად მხოლოდ ევრობასკეტზე ასპარეზობას ვაპირებდი, მაგრამ, მსოფლიო ჩემპიონატზე გასვლის შანსიც გვაქვს, ამიტომ ნაკრებში უფრო ადრე გამოვცხადდი", - აღნიშნავს მიხაილიუკი.