შერმადინი ACB ლიგის აპრილის თვის საუკეთესო მოთამაშედ დაასახელეს
ევროპული კალათბურთის ყველაზე ძლიერი ჩემპიონატი ესპანეთის ლიგა ენდესაა, რომელშიც ამჟამად ორი ქართველი - გიორგი შერმადინი და ბექა ბურჯანაძე ასპარეზობენ. შერმადინი "ტენერიფეს" რიგებში ირიცხება, სადაც თითოეულ შეხვედრაში საკუთარი გუნდისთვის უმნიშვნელოვანეს როლს ასრულებს და დანამდვილებით შეიძლება ითქვას, რომ გუნდისთვის ერთ-ერთი უმნიშვნელოვანესი ფიგურაა. 32 წლის ქართველმა კალათბურთელმა, რომელსაც წარსულშიც არაერთი მსგავსი ტიპის აღიარება ჰქონია, აპრილის თვის საუკეთესო მოთამაშის სტატუსი ანუ თვის MVP-ს წოდება მიიღო.
A este paso le ponen su nombre al premio. Con un último mes salvaje, @gioshermadini es el MVP Movistar de abril en la @ACBCOM. Iguala el récord histórico de 10 coronas del mítico Tanoka Beard. ¡Eres grande, Gio! pic.twitter.com/n5EeWKCkQL — Movistar España (@movistar_es) April 29, 2022
აღსანიშნავია, რომ შერმადინი ლიგის საუკეთესო მოთამაშე მარტშიც გახდა, რაც ერთმნიშვნელოვნად საყურადღებო მიღწევაა.
💪 ¡El gigante @gioshermadini se adueñó de la pintura para hacerse con el #MVPMovistar de marzo! 1⃣7⃣,2⃣ puntos 6⃣ rebotes 7⃣7⃣% en T2 2⃣4⃣,4⃣ valoración@movistar_es | #LigaEndesa pic.twitter.com/kI33LzA7Uf — Liga Endesa (@ACBCOM) April 1, 2022
აპრილის თვეში "ტენერიფემ" 9 შეხვედრა ჩაატარა, საიდანაც 6 მათგანი გამარჯვებით დაასრულა. ქართველი ლეგიონერის გუნდი ACB ლიგის სატურნირო ცხრილში, 19 მოგებითა და 12 მარცხით, მე-5 პოზიციას იკავებს. ასევე, ესპანური გუნდი ჩემპიონთა ლიგაზეც განაგრძობს წარმატებულ ასპარეზობას.