შენგელიას ვირტუსმა სტუმრად ბარსელონა დაამარცხა
ევროლიგის მე-17 ტურის შეხვედრაში, "ბარსელონასა" და "ვირტუს ბოლონიას" დაპირისპირება შედგა. ბარსელონაში, "Palau Blaugrana"-ზე გამართული მატჩი, მასპინძელთა მარცხით 75:83 დასრულდა.
"ბარსელონას" წინააღმდეგ მოპოვებულ უმნიშვნელოვანეს გამარჯვებაში, თორნიკე შენგელიამ საკუთარი წვლილი შეიტანა. პარკეტზე გატარებულ 20:09 წუთში, ქართველმა ვარსკვლავმა 5 ქულის, 2 მოხსნის, 6 შედეგიანი გადაცემისა და 2 ჩაჭრის დაგროვება შეძლო.
20 ქულითა და 2 შედეგიანი გადაცემით "ვირტუსს" გაბრიელ ლუნდბერგმა ულიდერა და იტალიური საკალათბურთო კლუბის გამარჯვებაში ლომის წილი დაიდო.
Big win for @VirtusSegafredo in Barcelona!#EveryGameMatters pic.twitter.com/vgncJ3IHiY
— Turkish Airlines EuroLeague (@EuroLeague) January 5, 2023
ევროლიგაში მოპოვებული ზედიზედ მეორე გამარჯვების შემდეგ, "ვირტუს ბოლონია" 8 მოგებითა და 9 მარცხით, სატურნირო ცხრილის მე-12 პოზიციაზე იმყოფება. იტალიელები მომდევნო მატჩს 10 იანვარს, "ჟალგირისის" წინააღმდეგ გამართავენ.
სხვა სტატიები
