შენგელია სამეფო თასის ნახევარფინალშია, შერმადინი - ვერა

ესპანეთის საკალათბურთო სამეფო თასის მეოთხედფინალში ბარსელონამაც ითამაშა და ტენერიფემაც. კატალონიელებმა მურსიასთან 91:85 მოიგეს, ხოლო ტენერიფე ბასკონიასთან 91:81 დამარცხდა.

ბარსელონას შემადგენლობაში 20 წუთი ითამაშა თორნიიკე შენგელიამ - ჩვენი ნაკრების კაპიტანმა საკუთარ გუნდს 13 ქულა, ერთი მოხსნა და ერთიც დაფარება მოუტანა. ქართველმა რვიდან 4 ორქულიანი ჩააგდო, პერიმეტრის ხაზიდან მხოლოდ ერთხელ ისროლა და ისიც ზუსტად.

ბასკონიასთან წაგებულ მატჩში, ვეტერან გიორგი შერმადინს 6 ქულა და 3 მოხსნა ჰქონდა - მან პარკეტზე 16 წუთი გაატარა.

ბადის მეორე მხარეს, ერთი ნახევარფინალური წყვილი ვალენსია/რეალია, ხოლო ბარსელონა ბასკონიას დაუპირისპირდება.