საქართველოს კალათბურთელთა U20 ნაკრები ევროპის ჩემპიონატისთვის მზადებას აგრძელებს

საქართველოს 20 წლამდელთა ნაკრები ევროპის ჩემპიონატისთვის მზადებას 15 კაციანი შემადგენლობით აგრძელებს. კალათბურთელები დღეს ღამე ლატვიაში მოსამზადებელი ეტაპის ფარგლებში გაფრინდებიან, სადაც ლატვიის ნაკრების წინააღმდეგ 2 ამხანაგურ მატჩს გამართავენ, ასევე დაგეგმილია 2 ამხანაგური სომხეთის ნაკრებთან ერევანში და 2 მატჩი უკრაინასთან ლატვიაში.

გუნდი ევროპის ჩემპიონატის B დივიზიონისთვის ემზადება, რომელიც 12-21 ივლისს, რუმინეთში გაიმართება.

აღსანიშნავია, რომ გუნდთან ერთად არ არიან გიორგი ოჩხიკიძე და ათუკა ბახტაძე, რომლებიც ეროვნულ ნაკრებთან ერთად შეკრებაზე იტალიაში იმყოფებიან. ისინი 20 წლამდელებს მოგვიანებით შეუერთდებიან.